Gylliðboð með tölvupósti

Lögreglan á Akureyri vill koma því á framfæri að undanfarið hefur borið á því að erlendir aðilar hafi haft samband við veitingahús með tölvupósti. Tilgangurinn er sá að panta borð og veitingar og boðin er fyrirframgreiðsla með kreditkorti. 

Þarna virðist vera á ferðinni tilraun til þess að svíkja fé út úr veitingastöðum þar sem veitingahúsið er beðið að skuldfæra all háa upphæð af kreditkorti og leggja síðan hluta upphæðarinnar inn á annan reikning þegar búið er að draga fyrirframgreiðsluna frá. 

Með þessu geta veitingahúsin bakað sér refsiábyrgð ef þau láta glepjast því þarna virðast vera á ferðinni tilraun til fjársvika og trúlega er verið að nota stolin kreditkort.  Ber því að vara fólk við að svara erindum sem þessum.

Tölvupóstur sem þessi hefur aðallega borist frá Bretlandi.
 
[email protected]