Foss distillery í útrás

Foss distillery sem framleiðir hina geisivinsælu líkjöra og snafsa, Björk & Birki, hefur útrás sína til Bandaríkjana. Öll tilskylin leyfi eru í höfn og undirbúningur á fyrstu sendingu á vörunum á lokastigi. Stefnt er á að vörurnar verði komnar í dreifingu í Bandaríkjunum í byrjun október og er það fyrirtækið Vendetta Spirits sem er staðsett í New Orleans sem mun annast alla sölu- og markaðssetnignu á vörunum.

Vendetta Spirits hefur sérhæft sig í framleiðlsu og á innflutningi til Bandaríkjanna á líkjörum og snöfsum frá minni framleiðendum sem eru staðsettir út um allan heim. Avery Glasser, eigandi og stofnandi Vendetta Spirits, hefur sérhæft sig í þróun á vörum fyrir hinn gríðarstóra og krefjandi kokteilheim Bandaríkjana og hefur sérlegan áhuga á vörum Foss distillery. Fleiri vörur eru nú þegar á teikniborðinu í samstarfi við Vendetta Spirits og því spennandi tímar framundan.

Björk & Birkir eru, eins og flestir vita, unnin úr íslensku birki og birkisafa og því virkilega skemmtilegt að eftirspurnin eftir vörunni sé orðin svona mikil. Varan fæst nú þegar í Danmörku og samningar við fleiri dreifingaraðila í Evrópu eru í vinnslu. Það er því ekki langt þar til Björk & Birkir verða búin að festa sig í sessi á heimsvísu.

/Smári