Dauðagildra var á Café Victor

Eigendur skemmtistaðarins Cafe Victor í miðbæ Reykjavíkur létu kröfu lögreglu og slökkviliðs um að læstur neyðarútgangur yrði opnaður sem vind um eyru þjóta, en þetta kemur fram á fréttvef Dv.is.

Það var ekki fyrr en eftir þrjár munnlegar viðvaranir og eina skriflega sem þeir hlýddu.

Erlendis hafa læstar neyðardyr á skemmtistöðum margsinnis leitt til hörmulegra slysa og mannsláta þegar eldsvoðar hafa komið upp.

Lögreglan og slökkviliðið í Reykjavík ganga nú hart fram til að tryggja að eigendur og rekstraraðilar skemmtistaða virði reglur um brunavarnir.

[email protected]