Bjórland hættir starfsemi

„Nú þarf maður bara að finna nýtt hobbí, annað hvort skemmtilegra eða eitthvað sem gefur eitthvað af sér,“

segir Þórgnýr Thoroddsen í samtali við mb.is, en Þórgnýr er einn eigenda Bjórlands sem hefur sérhæft sig í netsölu með handverksbjór síðustu fjögur ár.

Ákveðið hefur verið að hætta starfsemi Bjórlands og í gær voru síðustu dósirnar seldar af lagernum á svokallaðri arfgreiðslu.

„Við vorum fyrsta fyrirtækið sem bauð upp á heimsendingar á áfengi og erum stolt af því að tekið það skref og látið þann bolta rúlla. Nú eru komnir margir flottir, sterkir aðilar á þennan markað sem er hið besta mál,“

segir Þórgnýr í samtali við mbl.is sem fjallar nánar um málið hér.

Mynd: facebook / Bjórland