Þorrafundur KM

Kæru félagar!

Þorrafundur Klúbbs Matreiðslumeistara 2010 verður haldinn þriðjudaginn 2. febrúar n.k. Hefst hann með móttöku kl. 18.00 stundvíslega í glænýju veislueldhúsi- og skrif-stofum Undrakokksins í Múlakaffi við Hallarmúla(gengið inn á bak við í portið)

Jóhannes bíður eitthvað gott í gogginn og sýnir okkur fyrirtæki sitt sem er stærsta veisluþjónusta landsins. 

Kl 19.00 liggur leiðin að Viðeyjarferjunni ( skiptumst í einkabíla ) og í Viðey munum við blóta þorrann fram á kvöldið ásamt því að halda léttan fund.

Inntaka nýrra félaga verður m.a. stór hópur frá Akureyri og verða fulltrúar frá þeim á staðnum og lýsa væntingum til nýstofnaðrar deildar innan KM.

Frásögn okkar manna frá alheimsþingi í Chile ásamt þátttöku í ungliðakeppninni þar sem og nýafstaðin keppnin Matreiðslumaður Norðurlanda verða á dagsskrá.

Meðal gesta okkar verða þau Kjartan Ragnarsson og Sigríður Margrét Guðmundsdóttir frá Landnámssetrinu í Borgarnesi og hafa þau klárlega eitthvað forvitnilegt í farteskinu

Stýrivaxta-kokkarnir Úlfar Eysteinsson og Tómas A. Tómasson heiðra okkur einnig og væntanlega fáum við eitthvað að heyra frá þeim köppum.

Flottur þorramatur og happdrættið góða.

Munið kokkajakka og svartar buxur

Matarverð með ferju kr 2.800/-

Stjórnin