Brooklyn Bar & Bistro – Veitingarýni

Staðurinn er til húsa þar sem Subway var áður til húsa og fyrir mörgum árum var þar staður sem hét Höllin í Austurstræti 3.

Það sem rak mig þar inn var hádegistilboð á föstudögum sem var nautalund steikt í Big Green með kartöflum og Béarnaisesósu á 2990.

Kom inn og pantaði og settist upp á efri hæðina og stuttu seinna kom stórt glas af bensíni og ég bara rólegur.

Nautalund steikt í Big Green með kartöflum og Béarnaisesósu

Svo kom steikin og eins og þið sjáið á myndinni var þetta hálf snubbótt í fyrstu, en þegar byrjað var að snæða réttinn fór að færast bros á kallinn, steikin var æðisleg á bragðið, meyr og steikt eins og pantað var, sætkartöflufranskar sem voru með hef ég ekki smakkað betri, Béarnaissósan var góð en helst til þunn, mikið hefði ég viljað fá smá grænmeti eða salat á diskinn, þá hefði þetta verið fullkomið.

Þjónustan var ljúf og þægileg.

Mín fyrsta upplifun af staðnum etur mig til að mæta þar aftur og smakka aðra rétti staðarins.

Takk fyrir mig.

/Sverrir