Vertu memm

Smári Valtýr Sæbjörnsson

Vel heppnaður Matarmarkaður Búrsins

Birting:

þann

Gísli Einarsson bar sigur úr býtum í landnámshænueggjakökukeppni sem fór fram á matarmarkaði Búrsins.  Það voru þau Dagur B. Eggertsson borgarstóri og Áslaug Snorradóttir matarstílisti sem öttu kappi við Gísla.  Dómarar voru Hrefna Rósa Sætran og Gunnar Karl Gíslason matreiðslumenn.

Gísli Einarsson bar sigur úr býtum í landnámshænueggjakökukeppni sem fór fram á matarmarkaði Búrsins. Það voru þau Dagur B. Eggertsson borgarstóri og Áslaug Snorradóttir matarstílisti sem öttu kappi við Gísla. Dómarar voru Hrefna Rósa Sætran og Gunnar Karl Gíslason matreiðslumenn.

Margt var um manninn bæði af framleiðendum og neytendum á Matarmarkaði Búrsins um helgina s.l. Þar komu saman um fimmtíu framleiðendur víðsvegar af landinu með bragðgott ljúfmeti sem féll vel í kramið hjá gestum markaðarins.

Eirný Sigurðardóttir eigandi ljúfmetisverslunarinnar Búrsins, sem staðsett er að Grandagarði 35, ásamt Hlédísi Sveinsdóttur verkefnastýru og fyrrverandi formanni Beint frá býli standa að markaðnum. Óhætt er að segja að Matarmarkaður Búrsins sé búin að festa sig í sessi hjá neytendum.

Matarmarkaður Búrsins - 15.-16. nóv. 2014

 

Góðgæti sem var á boðstólum hefur aldrei verið eins fjölbreytt og þar má nefna ferskt kanínukjöt, grafinn bláberja ær vöðvi, ostrusveppir, rabbarbara og hvannarsulta, vistvænn kjúklingur frá litlu gulu hænunni, heitreykt hrogn, kínversk silkihænuegg frá Júlíus landnámshænueggjabónda, Hangikjöt frá Ytri Fagradal sem er lagað með sjávarsalti frá Saltverk á vestfjörðum, birkisíróp, sælkera sinnep, tvíreykt hangikjöt frá Kiðafelli, vistvænt svínakjöt frá Bjarteyjarsandi, þara pestó, kartöflukonfekt, súrblökusleikjó, tómatkryddsulta, handgert súkkulaði, reykt graskers súrdeigsbrauð, rabbarbarasaft, ein besta súkkulaði kaka heims frá Bergsson mathús og margt margt fleira.

Fréttastofa Stöðvar 2 heimsótti markaðinn sem hægt er að horfa á hér.

Fleiri myndir frá Matarmarkaðinum er hægt að skoða með því að smella hér.

 

Myndir: Helga Björnsdóttir

/Smári

twitter og instagram icon

Smári er matreiðslumaður að mennt, en hann hefur starfað við fagið til fjölda ára, bæði sem starfsmaður og rekstraraðili. Í dag starfar Smári hjá Tónaflóði heimasíðugerð. Hægt er að hafa samband við Smára á netfangið [email protected] Skoða allar greinar höfundar hér >>

Podcast / Hlaðvarp

Ekki missa af neinu

Fréttabréf

Veldu eitt eða allt af eftirtöldu:
Auglýsingapláss

Mest lesið