Vertu memm

Bragi Þór Hansson

Mark Lundgaard – Gallery Restaurant á Hótel Holti – Veitingarýni – F&F

Birting:

þann

Mark Lundgaard - Gallery Restaurant á Hótel Holti - Food & Fun 2015

Það þarf nú varla að kynna Gallery Restaurant á Hótel Holti. Í ár fengu þeir Friðgeir Ingi og félagar á Gallery Restaurant til sín danska kokkinn Mark Lundgaard. Mark er yfirkokkur á veitingastaðnum Kong Hans Kælder í Kaupmannahöfn. Þar eru þeir með klassíska franska matargerð og passar því maðurinn vel inn í umhverfið hjá þeim á Gallery Restaurant.

Mark Lundgaard - Gallery Restaurant á Hótel Holti - Food & Fun 2015

Mark Lundgaard

Fyrsti réttur á matseðlinum var:

Mark Lundgaard - Gallery Restaurant á Hótel Holti - Food & Fun 2015

Ostrur með saltbakaðri sellerírót, sýrðum rjóma og fáfnisgrasi

Frekar bragðmildur en góður réttur. Okkur fannst að sellerírótin væri of mikill hluti af heildarbragðinu í réttinum og var aðeins að ræna hásætinu af ostrunum sem voru virkilega góðar. Framsetningin var falleg en kannski örlítið litlaus.

Næsti réttur var:

Mark Lundgaard - Gallery Restaurant á Hótel Holti - Food & Fun 2015

Hörpuskel og kavíar fra Jacob Rossini ásamt reyktu smjöri

Þessi réttur var toppurinn. Okkur fannst það ekki við hæfi á svona fínum veitingastað að sleikja diskinn þannig við ákváðum að sleppa því, en við vorum báðir sammála um það að þennan rétt væri erfitt að toppa.

Mark Lundgaard - Gallery Restaurant á Hótel Holti - Food & Fun 2015

Bakaður þorskur og stúfaðar kartöflur með steinselju og kartöfluflögum

Fallegur, góður á bragðið og vel eldaður réttur.

Aðalrétturinn var svo:

Mark Lundgaard - Gallery Restaurant á Hótel Holti - Food & Fun 2015

Lambahryggur og lambahjörtu, kremuð pólenta og blóðbergsgljái með svörtum ólífum

Mjög góður balance í þessum rétt, gljáinn var virkilega góður.

Að lokum var það:

Mark Lundgaard - Gallery Restaurant á Hótel Holti - Food & Fun 2015

Súkkulaðitart og sýrðar híbenurósir með vanilluís

Þegar við brutum skelina á tartinu lak þetta æðislega volga súkkulaði á diskinn hjá okkur sem svo blandaðist við ísinn og sýrðu hýbenurósirnar. Þetta er eftirréttur að mínu skapi. Fullkominn endir á þessu kvöldi.

Eftir máltíðina fengum við aðeins að líta inní eldhús hjá þeim og smelltum nokkrum myndum af þeim.

 

Takk kærlega fyrir okkur

/Bragi

twitter og instagram icon

 

Bragi er matreiðslumaður að mennt, en hann lærði fræðin sín á Hótel Rangá. Bragi hefur starfað meðal annars á Radisson Blu 1919 hótel, Brasserie Blanc í Englandi. Hægt er að hafa samband við Braga á netfangið [email protected] .... skoða allar greinar höfundar >>

Podcast / Hlaðvarp

Ekki missa af neinu

Fréttabréf

Veldu eitt eða allt af eftirtöldu:
Auglýsingapláss

Mest lesið