Vertu memm

Smári Valtýr Sæbjörnsson

Kosningabjórinn Þrasi kominn í sölu á völdum börum og veitingastöðum

Birting:

þann

Þrasi - KosningabjórinnÍ dag setti næst minnsta bjórverksmiðja Íslands The Brothers Brewery í Vestmannaeyjum bjórinn Þrasa í sölu.  Bjórinn Þrasi kemur á markað núna rétt rúmri viku fyrir kosningar sem sérstakur kosningabjór. Þrasi er bjór af týpunni pale ale og er 5% alkahól innihald í honum.

“Við í The Brothers Brewery erum ekki nema 150 lítra bjórverksmiðja í dag og getum því brugðist hratt við og sett á markað í takmörkuðu upplagi bjóra þegar eitthvað skemmtilegt er í gangi í okkar litla samfélagi. Í kringum EM í fótbolta gerðum við bjórinn Heimi og núna gerum við sérstakan kosningabjór”

segir Kjartan Vídó sölu- og markaðsstjóri The Brothers Brewery.

Vörumerki Þrasa er hannað af Gunnari Júlíussyni hjá Gunnar Júl art og var hugsunin að ná fram þeirri stemningu sem að “virkir í athugasemdum” upplifa af stjórnmálamönnum á Íslandi. Eintömt þras og mas og ekkert nema bras!

The Brothers Brewery fékk framleiðsluleyfi í byrjun árs 2016 og frá þeim tíma hafa þeir m.a. unnið 1. verðlaun fyrir bjór ársins 2016 á Bjórhátíðinni á Hólum og einn dýrasti bjór íslandssögunnar Togarinn kemur frá The Brothers Brewery.

Í fréttatilkynningu segir að Þrasi verður til sölu í takmörkuðu upplagi á eftirfarandi sölustöðum frá og með deginum í dag. Kaldi Bar Reykjavík, Micro bar Reykjavík, Bjórgarðurinn Reykjavík, Ölhúsið – Ölstofa Hafnarfjarðar, Bjórsetur Íslands Hólum í Hjaltadal og á veitingastaðnum Einsi Kaldi í Vestmannaeyjum.

Smári er matreiðslumaður að mennt, en hann hefur starfað við fagið til fjölda ára, bæði sem starfsmaður og rekstraraðili. Í dag starfar Smári hjá Tónaflóði heimasíðugerð. Hægt er að hafa samband við Smára á netfangið [email protected] Skoða allar greinar höfundar hér >>

Podcast / Hlaðvarp

Ekki missa af neinu

Fréttabréf

Veldu eitt eða allt af eftirtöldu:
Auglýsingapláss

Mest lesið