Vertu memm

Smári Valtýr Sæbjörnsson

Kaffihúsið Bakkabræður á Dalvík – Veitingarýni

Birting:

þann

Kaffihúsið Bakkabræður á Dalvík

Á Dalvík er lítið kaffihús sem heitir Bakkabræður í höfuðið á bræðrunum þremur, Gísla, Eiríki og Helga, sem urðu frægir að endemum og sagt er frá í Þjóðsögum.

Bakkabræður er staðsett í Sigtúni í Hafnarbraut á Dalvík þar sem boðið er upp á morgunmat, fiskisúpu í hádeginu og kvöld, kökur, brauð svo fátt eitt sé nefnt.

Bjarni vert á Gísla, Eiríki og Helga ræðir hér við gesti og útskýrir hvað er innifalið í morgunverðahlaðborði

Bjarni vert á Gísla, Eiríki og Helga ræðir hér við gesti og útskýrir hvað er innifalið í morgunverðahlaðborði

Njáll Björgvinsson kaffibarþjónn kennir starfsfólkinu á kaffivélina sem nýlega hafði verið keypt  á staðinn

Njáll Björgvinsson kaffibarþjónn kennir starfsfólkinu á kaffivélina sem nýlega hafði verið keypt
á staðinn

Það eru Kristín Aðalheiður Símonardóttir og Bjarni Gunnarsson sem sjá um kaffihúsið Bakkabræður, en þau reka einnig ferðaþjónustu á Dalvík og bjóða upp á gistingu í Gimli sem er 250 fermetra steinsteypt hús í miðjum bænum rétt ofan við höfnina, gistingu í þremur 15 fermetra smáhýsum og svo „Gamli bærinn“ glæsilegt hús sem var byggt árið 1914 og endurbyggt áramótin 2008 og 2009.

Fréttamaður veitingageirans var staddur í Dalvík nú á dögunum ásamt fjölskyldu og var ákveðið að kíkja í morgunmatinn hjá Bakkabræðrum. Þegar komið var inn, þá tók á móti þægilegt andrúmsloft, bros, gott viðmót starfsmanna sem útskýrðu hvað er innifalið í morgunverðahlaðborðinu.

Hlaðborðið inniheldur þetta hefbundna morgunkorn, súrmjólk, djúsa svo fátt eitt sé nefnt, en það sem vakti athygli var að boðið er upp á fíflasíróp með fjallagrösum, heimabakað bjórbrauð, nýbakaðar flatkökur ásamt áleggi og fleira.

Smakkaðist allt saman alveg frábærlega, þó var fíflasírópið og bjórbrauðið ekki alveg að höfða til allra, en engu að síður mjög gott.

 

/Smári

twitter og instagram icon

 

Smári er matreiðslumaður að mennt, en hann hefur starfað við fagið til fjölda ára, bæði sem starfsmaður og rekstraraðili. Í dag starfar Smári hjá Tónaflóði heimasíðugerð. Hægt er að hafa samband við Smára á netfangið [email protected] Skoða allar greinar höfundar hér >>

Podcast / Hlaðvarp

Ekki missa af neinu

Fréttabréf

Veldu eitt eða allt af eftirtöldu:
Auglýsingapláss

Mest lesið