Þá hefst enn ein ferðin hjá okkur félögunum, nú breyttu við aðeins til og byrjuðu ferðina í Reykjavík, nánar tiltekið á Café Flóru í Grasagarðinum.
Þar fengum við okkur brunch, en eins og ég sagði í pistli að ég hafi misst af brunchinum þar, en nú vorum við tímalega og eftirfarandi var afraksturinn:
Heimabakað brauð, pönnukökur, 2 teg. ostur, heilsudrykkur, ávextir, salat og egg og beikon múffa
Og hinsvegar:
Heimabakað brauð, pönnukökur, 2 teg. ostur, heilsudrykkur, ávextir, salat og reyktur lax með hleyptu eggi og Hollandaise sósu
Smakkaðist þetta alveg prýðilega og gaman að öðruvísi útfærslu á brunchinum.
Vorum við mjög ánægðir og klárir í að leggja af stað en næsti stoppustaður var Borgarnes og er við komum þangað fórum við inn í Hyrnuna. Það var eiginlega tómt þar inni og mér finnst þessi litli sjarmi sem var sé endanlega horfinn, út í bíl og haldið áfram.
Hótel Rjúkandi
Heimalöguð ostakaka
The old Post Office hotel
Næsta stopp var á hótel Rjúkandi, sem hét í mörg ár Vegamót en nú er búið að bæta við hóteli og allt annar bragur yfir öllu, þar áðum við og fengum okkur ostaköku sem löguð var á staðnum og var hún bara virkilega góð, einnig var þjónustan alveg framúrskarandi.
Áfram héldum við og nú til Grundafjarðar en þar skyldi gist í eina nótt. Hótelið heitir The old Post Office hotel og er eins og nafnið gefur til kynna í gamla pósthúsinu á staðnum.
Komum við okkur fyrir og síðan var lagt af stað til Stykkishólms en þar ætluðum við að snæða kvöldverð, enduðum við á Sjávarpakkhúsinu og fengum okkur eftirfarandi:
Sjávarpakkhúsið
Sjávarréttarsúpa með ferskasta sjávarfangi Breiðafjarðar
Hún var með kröftugu sjávarbragði, hæfilega elduðu sjávarfangi og góðu heimabökuðu brauði.
Breiðfirsk Hörpuskel
Það var orðið langt síðan maður smakkaði íslenska hörpuskel og þessi var góð, næm eldun og grænmeti í kröftugu soði var alveg að gera sig.
Sjávarréttarpasta. Tómatlagað, ferskt sjávarfang, hvítlauksbrauð og salat
Pastað var bragðgott og næm eldun á fiski, en hvítlauksbrauðið var nánast eins og tvíbökur.
Fiskur dagsins. Steiktur þorskhnakki með steiktu grænmeti, salati og smákartöflum
Prýðilegur réttur, góð eldun á fiski.
Rjómaþeytt skyr með bláberjasósu
Algjört sælgæti.
Er hér var komið vorum við orðnir mettir og gerðum upp og út í bíl og keyrðum til Grundafjarðar og upp í koju og dagurinn upplifaður einu sinni enn.
/Sverrir