Vertu memm

Ágúst Valves Jóhannesson

David Tamburini – Kolabrautin – Veitingarýni – F&F

Birting:

þann

David Tamburini - Kolabrautin - Food & Fun 2015

Starfsfólk eldhúss Kolabrautarinnar

Frá syðsta hluta Ítalíu, og já nánast Evrópu kemur David Tamburini. Veitingastaður hans La Gazza Ladra er staddur í Modica héraðinu sem er staðsett syðst á Sikiley. Hann er sagður vera mikill listkokkur sem tálgar rétti sína ofan í gestinn. Sagður ekta ítalskur kokkur, svolítið sérvitur en frábær!

David Tamburini - Kolabrautin - Food & Fun 2015

Lystauki.
Brandaða og paprikumauk

Eitt orð: gott

David Tamburini - Kolabrautin - Food & Fun 2015

Forréttur:
Ofnbakaður kolkrabbi, borinn fram með mjúkum og stökkum kartöflum og grænni ólífusósu.

Kolkrabbinn sennilegast legið í hvítvíni, mjög bragðgóður og vel eldaður. Kartöflurnar voru eins og þær voru sagðar vera, stökkar og mjúkar.

David Tamburini - Kolabrautin - Food & Fun 2015

Milliréttur:
Tortelli með Ragusano-osta fyllingu, borið fram með safa úr bökuðum lauk og villi fennel

Ragusano osturinn kemur beint úr héraði kokksins. Pastað fullkomið og fyllingin sömuleiðis. Græni piparinn í lauksoðinu setti svo punktinn yfir i-ið. Myndi koma aftur og aftur fyrir þennan rétt, en Food and fun er víst bara einu sinni á ári.

David Tamburini - Kolabrautin - Food & Fun 2015

Aðalréttur:
Reyktur nautahryggur, borinn fram með brenndum eggaldin og reyktum safa ásamt árstíðar tómötum.

Reykbragðið virkaði. Miðjarðarhafið út í gegn. Einfaldur réttur og lítið hægt að setja út á hann.

David Tamburini - Kolabrautin - Food & Fun 2015

Eftirréttur:
1001 Nótt.
Kyrrfryst hunang og sesam með sítrus.

Vill ekki vera dónalegur, en ég vissi ekki hvort ég ætti að hlæja eða gráta. Talað um kyrrfryst hunang, ekkert frosið á disknum. Raun var þetta bara vel sætt kremað gel með alltof miklu sesambragði. Framsetningin mjög sérstök. En stundum fellst snilld í því sérstaka, ætla ekki að dæma.

Við félagarnir fórum mjög sáttir út, þrátt fyrir ákveðin vonbrigði hvað eftirréttinn varðar. En allt annað var frábært út í gegn, vel þjálfað starfsfólk í salnum, útsýnið yfir höfnina og í raun er það svolítið eins og að vera staddur inn í listaverki þegar maður situr á góðum stað í Hörpunni.

Þökkum fyrir okkur.

 

/Ágúst

twitter og instagram icon

 

Ágúst Valves Jóhannesson lærði til matreiðslu á Hótel Holti og útskrifaðist 2011. Hægt er að hafa samband við Ágúst á netfangið: [email protected] ... skoða allar greinar höfundar >>

Podcast / Hlaðvarp

Ekki missa af neinu

Fréttabréf

Veldu eitt eða allt af eftirtöldu:
Auglýsingapláss

Mest lesið