Atli Már Yngvason
Nauthóll tekur þátt í Food & Fun og fær til sín í fyrsta skipti í sögu F&F, íslenskan gestakokk hann Atla Má Yngvason.
Atli Már flutti eftir nám sitt til Osló árið 2007 og hefur búið þar síðan. Hann hóf árin í Osló hjá veitingastaðnum Bagatelle sem var á þeim tíma talin einn sá besti í Skandinavíu og sá eini með tvær Michelin stjörnur í Noregi.
Eftir glæsileg ár hjá Bagatelle flutti hann sig um set til Restaurant Victor sem sous chef og í framhaldi ferðaðist hann í ár um Asíu til að fanga asíska matargerð. Árið 2013 opnaði Atli Már svo Pjoltergeist ásamt samstarfsfélögum sínum og er Pjoltergeist orðinn einn sá vinsælasti í Osló og sá staðurinn sem kokkar Michelin veitingahúsa koma og snæða á sínum frídögum.
Boðið var uppá 5 rétta matseðil. Forréttur, milliréttur og aðalréttur voru borið fram á platta/diskum á til að deila:
LYSTAUKI
Íslenskt ígulker, fennika og kál
Ferskt og gott, ígulkerið kom frá Breiðafirði.
Fersk vorrúlla, linskelskrabbi, lárpera og löjrom.
FORRÉTTIR
Saltfiskbollur „Takoyaki“, harðfiskur, og íslenskt söl.
Fersk vorrúlla, linskelskrabbi, lárpera og löjrom.
Vorrúllan góð og öðruvísi, smá svona sushifílingur í þessu. Saltfiskrúllan var fín.
MILLIRÉTTUR
Þorskur, grænkál, fáfnisgrassósa og nautabeinmergur
Þorskurinn var mjúkur og bragðgóður og var hægeldaður við 48 gráður.
AÐALRÉTTUR
Kóreanskt BBQ með íslensku grísakjöti frá Ormstöðum, chili majónes, kimchi, kasjúhnetur og salat.
Tók sér salatblað og setti kjötið í ásamt meðlæti….
Taco fílingur í þessu. Tók sér salatblað og setti kjötið í ásamt meðlæti. Þessi réttur kom hressilega á óvart.
EFTIRRÉTTUR
Engiferjógúrtís, saltkaramella, epli og heslihnetukex.
Ísinn var góður en vantaði kannski smá lit í réttinn fyrir augað.
Vel útilátnir skammtar og fínn matur. Því miður náðum við ekki að hitta á gestakokkinn hann Atla en spjölluðum aðeins við Ara Sylvain Posocco yfirmatreiðslumann staðarins.
Við þökkum kærlega vel fyrir okkur.
/Kristinn