Vertu memm

Ágúst Valves Jóhannesson

Alberto Navarette | Satt | Veitingarýni | F&F

Birting:

þann

Alberto Navarette | Satt - Food & Fun 2015

Starfsfólk eldhús Satt

Yfirkokkurinn Alberto Navarette starfar á veitingahúsinu La Luce í Orlando. Hann er fæddur og uppalinn í Oaxaca í Mexíkó en flutti til Napa Valley í Kaliforníu árið 1991.

Hann hefur starfað í yfir 20 ár með Donnu Scala, yfirkokki og veitingahúsaeiganda, við að þróa miðjaðarhafs/ítalskan mat. Aðalsmerki Navarette er að matreiða úr fersku ítölsku hráefni og elda gott pasta, þótt hann sé einnig mjög hæfileikaríkur þegar kemur að því að elda hefðbundinn mexíkanskan mat, en það lærði hann hjá fjölskyldu sinni í Mexíkó.

Alberto Navarette er sagður hæfileikaríkur og iðinn, en hann hóf störf sem uppvaskari og vann sig upp í stöðu yfirkokks sem hann sinnir í dag, en La Luce er 287 sæta veitingahús á Hilton og Waldorf Astoria í Orlando.

La Luce samtvinnar hefðbundið ítalskt eldhús og nýstárlegar og frjálslegar áherslur í matargerð frá Kaliforníu.

Matarupplifunin verður því í senn nýjungagjörn en matreidd með hefðbundnum aðferðum. La Luce hefur unnið til fjölda verðlauna fyrir matargerð sína, þó sérstaklega fyrir góða pastarétti og pizzur, en mikil áhersla er lögð á gerð góðra pastarétta, rétt eins og á Ítalíu.

Alberto Navarette | Satt - Food & Fun 2015

Lystauki / súpa:
Tuscan Ribollita

Matmikil súpa með hægelduðum uxahölum og baunum. Bragðgóð og vel mettandi.

Alberto Navarette | Satt - Food & Fun 2015

Forréttur:
Rófusalat. Grænar baunir, fennika, lárpera, roquefort vinaigrette

Þrusugott og heimilislegt salat. Þrátt fyrir rætur og þungan ost þá var salatið um leið létt. Gat ekki hætt að borða það, enda á maður alltaf að klára grænmetið sitt!

Alberto Navarette | Satt - Food & Fun 2015

Milliréttur:
Arancini. Saffran hrísgrjónakaka, sveppir og sjávarrétta Bolognese

Saffranbollurnar voru fylltar með mozzarella osti, stökkar utan, mjúkar að innan. Þótti skrítið að sjá eitthvað sem hét sjávarrétta Bolognese, en það stóðst allar væntingar.

Alberto Navarette | Satt - Food & Fun 2015

Aðalréttur:
Scottadito. Grilluð lambakóróna, Tuscan baunaragú, grænkál, butternut grasker og mintu Salsa Verde

Æðislegt lamb. Svo bragðgott og vel eldað. Meðlætið passaði vel með. Beinin á lambinu vel unnin og snyrt. Satt að segja þá sést það ekki oft núorðið

Alberto Navarette | Satt - Food & Fun 2015

Eftirréttur:
Tiramisu. Espresso bleyttar möndlukökur, mascarpone ostur, hvít súkkulaðiflögur

Bragðgott.

Þar sem gestakokkurinn sjálfur var fjarverandi, þá kom yfirmatreiðslumaðurinn, Styrmir Karlsson, með alla diska til okkar, útskýrði réttina og allar pælingarnar. Í senn einfaldur, bragðgóður og heiðarlegur matur. Það er gaman þegar veitingastaðir þora að vera þeir sjálfir. Þakkir fyrir góða máltíð.

 

/Ágúst Valves Jóhannesson

twitter og instagram icon

 

Podcast / Hlaðvarp

Ekki missa af neinu

Fréttabréf

Veldu eitt eða allt af eftirtöldu:
Auglýsingapláss

Mest lesið